أهلاً بيك،

أنا كـ عبدالله، سعيد جدًا إني كسبت ثقتك فيا وقررت تبدأ رحلتك في عالم الـ Performance Marketing معايا.

البرنامج ده معمول علشان يديك خبرة عملية حقيقية مش مجرد معلومات نظرية،

وعشان تضمن إنك تستفيد منه بأكبر شكل ممكن، ركّز في النقاط دي:

1. التحديثات والمحتوى الجديد

الكورس بيتحدّث بشكل مستمر لمدة سنة كاملة من يوم اشتراكك.

كل مرة بنضيف درس جديد أو نحدّث جزئية مهمة، بتوصلك رسالة على الإيميل اللي اشتركت بيه.

مهم جدًا تتابع الإيميل ده لأن كل التحديثات هتجيلك منه،

وهيكون دايمًا من ايميل الدومين بتاعه اسمي:

@abdallahusama.com

لو مش لاقي الإيميلات، راجع الـSpam أو الـPromotions،

وضيف الإيميل ده عندك في الـContacts علشان توصلك كل الرسائل الجديدة من غير مشاكل.

2. الأسئلة والـAssessments

حلّ الأسئلة والمشاركة في الـAssessments جزء أساسي من التعلّم،

وده لسببين:

• أولًا: بيساعدك تطبّق عملي وتثبت المعلومة في دماغك بدل ما تتنسي بسرعة.

• ثانيًا: لازم تكمّل على الأقل 80٪ من الأسئلة والـ Assessments
  
  علشان اسمك وشهادتك يتضافوا على ويبسايت خريجين البرنامج،

https://certified.abdallahusama.com/

اللي بشاركه باستمرار مع عملاء محتملين وHR.

ده بيساعدك تلاقي فرص عمل أسرع،

وبيساعدهم يوصلوا لكوادر محترفة عندها خبرة حقيقية ومعلومات موثوقة.

3. لو عندك سؤال أو فيدباك

لو في جزئية مش واضحة، أو عندك سؤال أو اقتراح لتطوير المحتوى،

ابعتلي من خلال الفورم ده:

https://learn.abdallahusama.com/ask/

لو الموضوع بسيط هرد عليك بالإيميل،

ولو محتاج شرح أكتر هعمل فيديو مخصوص أشرح فيه الفكرة دي بالتفصيل

وهنزله على الأكونت الخاص بالمشتركين:

https://www.instagram.com/pma_private/

4. ازاي تتعلم أسرع؟

الميديا باينج من المجالات اللي لازم “تمشي فيها ايدك”.

عشان كده بعد كل شابتر هتلاقي أسئلة وتمارين (Assessments) لازم تطبّقها بنفسك.

أوقات كمان هتلاقيني طالب منك تعمل Presentation بسيطة أو Dashboard Report — كل ده هدفه إنك تطبّق اكتر وتتعلم اسرع.

لو محتاج رأيي أو فيدباك على شغلك،

ابعت على جروب الواتساب وأنا هرد عليك هناك.

لكن لو عايز تطور أسرع فعلًا، فأنصحك يكون عندك أكونت حقيقي تطبّق عليه اللي بتتعلمه.

ولو مش متاح دلوقتي، افتح أكونتات تجريبية (Meta Ads, Google Ads, أو غيرها)

وجرب تمشي بنفس الخطوات اللي بشرحها في الدروس.

الفرق بين اللي بيشوف وبين اللي بيطبّق كبير جدًا — التطبيق هو اللي بيثبّت المعلومة في دماغك.

ملخص سريع:

• تابع إيميلك دايمًا علشان توصلك التحديثات.

• خلّص كل الأسئلة والـAssessments — دي أهم خطوة في التعلّم.

• لو عندك سؤال، استخدم الفورم فوق.

• طبّق بإيدك على طول علشان المعلومة تثبت.

بالتوفيق،

،تحياتي

عبدالله

Winning in Performance Marketing Starts with Abdallah Usama.