خصم 20% احتفالًا بالعام الجديد، حتى نهاية يناير
في مجال الميديا باينج، قيمتك بتتقاس بكفاءتك مش بشهادتك. البرنامج ده مصمم عشان يبني الكفاءة دي، ويحولك لميديا باير محترف مطلوب من أكبر الشركات، قادر تدير ميزانيات ضخمة وتعمل نتايج استثنائية.
البرنامج ده مش كلام نظري، ده خلاصة 4 سنين من الشغل الحقيقي، قدرت فيهم أدير حملات إعلانية عدت الـ 20 مليون دولار، وحققت عائد على الإنفاق (ROAS) من أعلى الأرقام في المجال وصل لـ 40 ضعف.
والنهاردة، بنقل لك كل الخبرة دي في خطة واضحة، هدفها تاخدك من مكانك دلوقتي، سواء مبتدئ أو متوسط، للاحتراف وبناء كارير قوي ومستقبل مضمون في المجال.
كورسات عبارة عن تجميعة لفيديوهات من اليوتيوب، بتديك “القشور” ومعلومات متاحة للجميع، لكن بتسيب أهم حاجة وهي الاستراتيجيات الحقيقية والخبرة العملية اللي بتساعدك تكتسب عقلية المحترفين.
هنا أنا بركز على Case Studies حقيقية واستراتيجيات عملية من Campaigns بملايين الدولارات، مش مجرد معلومات نظرية.
محاضرات طويلة ومملة، مليئة بأسئلة ومداخلات لا تعنيك، بتهدر وقتك اللي المفروض تستغله في التعلم والتطبيق.
البرنامج مسجل، ومقسم لدروس قصيرة ومركزة. كل دقيقة مصممة عشان تقدملك قيمة مباشرة، وتقدر تتابعه في أي وقت يناسبك وبدون أي تشتيت.
كورسات بتعلمك “تدوس على أنهي زرار”، لكن بتسيبك من غير أهم حاجة وهي “تفكر إزاي”. الميديا باينج الناجح أساسه فهم عميق للتسويق والعميل، مش مجرد معرفة بالداشبورد.
كل درس مصمم عشان يبني عندك “عقلية الميديا باير المحترف”. هتتعلم “ليه” بنعمل كل خطوة، مش بس “إزاي” بنعملها، وده اللي بيفرق بين اللي بينفذ واللي بيبتكر.
بتغرق في بحر من النظريات ومبادئ التسويق، لكن وقت الجد مش بتلاقي خطة عمل واضحة (Actionable Plan) تخليك تدير Campaign ناجحة وتجيب نتائج بنفسك.
البرنامج بالكامل مبني على التطبيق. هتاخد استراتيجيات وخطط عمل جاهزة للتنفيذ، مستوحاة من Campaigns حقيقية، عشان تقدر تطبق اللي بتتعلمه وتشوف نتايج من أول يوم.
بعد ما مريت بنفسي بمشاكل الكورسات الموجودة في السوق، قررت أشارك جزء من خبرتي العملية على قناتي في يوتيوب. الهدف كان بسيط وهو اني أشرح للناس الشغل الحقيقي بيتم إزاي، بعيدًا عن الكلام النظري.
رد الفعل على الفيديوهات دي أكد لي إن المشكلة عند ناس كتير جدًا. التعليقات والأسئلة كلها كانت بتدور حوالين نقطة واحدة: "إحنا محتاجين محتوى عملي زي ده، بس يكون منظم ومتكامل نقدر نمشي عليه.
هنا اتأكدت إن الفجوة في السوق كبيرة، وإن فيه احتياج حقيقي لبرنامج شامل، يكون مبني على الخبرة العملية والنتائج، مش مجرد تجميعة لـ شوية فيديوهات من اليوتيوب مترتبة واسمها كورس.
علشان كده، أخدت عصارة خبرة أكتر من 4 سنين في المجال، قدرت فيها أدير أكتر من 20 مليون دولار على حملات إعلانية لعملاء كبار في دول مختلفة وصناعات مختلفة، وجمعت كل الخبرة دي في برنامج واحد عملي وواضح.
البرنامج ده هو الحل اللي صممته مخصوص عشان يوفر عليك كل التعب والفلوس والوقت اللي أنا ضيعته، ويديلك الطريق واضح ومباشر للاحتراف.
إنك تكون محترف وبتعرف تطلع نتايج قوية من الإعلانات دي حاجة…
وإنك تعرف تترجم النتايج دي لـ “قيمة” حقيقية، وتثبت لمديرك أو لعميلك تأثيرك المباشر على البيزنس بتاعهم دي حاجة تانية خالص.
كل برنامج تدريبي من عبدالله أسامة بيتبع منهجية واضحة بتجمع بين:
في نهاية البرنامج، بيكون فيه اختبار نهائي شامل (Final Exam) مكوّن من 40 ~ 50 سؤال على جميع أجزاء المنهج، والاختبار مسموح بإعادته 3 مرات فقط. الهدف إننا نتأكد إنك مش بس تابعت المحتوى، لكن كمان أتقنت كل جزء فيه وقدرت توظفه بشكل عملي.
بعد اجتياز الامتحان بنجاح، بتحصل على شهادة معتمدة تثبت كفاءتك، وبيتم تسجيل اسمك وبياناتك في موقع خاص بخريجين البرامج التدريبية فقط.
تنويه: البرامج التدريبية المقدمة من عبدالله أسامة لا تضمن التوظيف بشكل مباشر، لكنها بتديك الخبرة العملية والظهور اللي يعزز فرصك بشكل كبير في سوق العمل.
المدخل الحقيقي لعالم الـ Performance Marketing، بتفهم فيه الصورة الكاملة للمجال وبتتعلم اساسيات التسويق، زي يعني إيه Funnel، ودور الإعلان في كل مرحلة، عشان تبدأ وأنت فاهم قبل ما تصرف دولار واحد.
بتتعلم إزاي تقيم أي حساب شغال، تبني Media Plan تخدم هدف البزنس، وتعرف تقنع العميل بخطتك قبل ما تقنعه بالإعلانات نفسها.
الفصل ده بيحطك في المكان الصح قبل ما أي إعلان يطلع، من تجهيز الكرياتيف والويبسايت، لربط وتتبع التحويلات بشكل عملي على حالات حقيقية.
شرح عملي لكيفية التعامل مع أشهر المنصات الإعلانية (زي Meta, Snapchat, TikTok, Google ...etc)، بمنهجية موحدة تخليك تعرف إمتى تستخدم كل منصة وإزاي تخدم الاستراتيجية من غير تشتيت لميزانيتك الإعلانية.
هتتعلم تقرأ الأرقام في سياق هدف البزنس، تستخدم أدوات التحليل والتتبع، وتطلع بتقارير واضحة تساعدك تاخد قرارات صح وتشرحها لأي عميل أو مدير.
الفصل ده بيجاوب على السؤال الأصعب: إمتى تزود ميزانية؟ وإمتى توقف؟ وازاي تختبر وتكبر الحملات من غير ما تبوظ الأداء.
سواء هدفك وظيفة، فريلانس، أو تأسيس شركة، الفصل ده بيحطلك الطريق العملي، من CV وبورتفوليو، لفرص الشغل، وإدارة الجانب القانوني والضريبي.
بعد الانتهاء من البرنامج بتملا نموذج يوضّح أهدافك ووضعك الحالي، وبناءً على إجاباتك بتستلم خطة تنفيذية مخصصة تساعدك توظّف كل اللي اتعلمته بشكل عملي يخدم تحقيق أهدافك.
في نهاية البرنامج، فيه اختبار نهائي شامل (40–50 سؤال) ممكن تعيده 3 مرات فقط.
بعد النجاح، بتحصل على شهادة معتمدة، واسمك بيتسجل في موقع خريجي البرامج التدريبية لزيادة فرص ظهورك أمام العملاء.
الاشتراك متاح مدى الحياة، والبرنامج يتم تحديثه بشكل دوري لإضافة أحدث المعلومات والتقنيات، وأي مشترك يحصل على هذه التحديثات مجانًا مدى الحياة.
لو عندك أي أسئلة، تقدر تتواصل مع عبدالله (مقدم البرنامج) بسهولة من خلال جلسات لايف دورية للإجابة على كل استفسارات المشتركين بشكل مباشر. وكمان تقدر تبعت سؤالك على الكوميونتي على تيليجرام في أي وقت، وهتوصلك الإجابة هناك، ولو المشكلة محتاجة شرح أعمق ممكن يتعملك فيديو يوضحها بالتفصيل ويوصلّك للحل خطوة بخطوة.
لأ المجال بيعتمد على مهارتك. أنا اشتغلت مع شركات في دول مختلفة وبأنماط شغل متنوعة: Remote، Freelance، On‑site من قبل ما اتخرج من الجامعة.
جدا! ممكن في وقت قليل تكسب دخل أعلى من دكتور أو مهندس، لو اتأسست صح.
مش شرط. الكورس بيغطي كل أساسيات التسويق اللي هتحتاجها عشان تبقى ميديا باير محترف، حتى لو دي أول مرة تدخل المجال.
بما إن أساس المجال ده بالإنجليزي، هتلاقي في بداية البرنامج ملف مجمّع لأهم المصطلحات اللي اتذكرت في الكورس، مترجمة للعربي—علشان حتى لو مستواك في الإنجليزي مش قوي، مايبقاش ده عائق قدامك في الفهم والتطبيق.
بعد ما تخلص البرنامج، هتستلم خطة تنفيذية متفصّلة ليك. سواء هدفك تشتغل فريلانسر، أو تلاقي وظيفة، أو عندك بيزنس وعايز تدير الحملات بنفسك، أو تدير ميديا باير ضمن فريقك—الخطة دي هتساعدك تحوّل اللي اتعلمته لتطبيق عملي واضح يقرّبك من النتيجة اللي بتسعى لها بخطوات واضحة ومحددة، تقدر تطبعها او تستخدمها كـ PDF.
البرنامج مناسب للمبتدئين اللي لسه بيبدأوا من الصفر، وكمان للمستوى المتوسط اللي بدأ بشكل غير منظم وبقى متلخبط وسط كثرة المصادر على الإنترنت. هنا هتلاقي منهج بيرتّب لك الأساسيات، ينظّم لك أفكارك، ويحطّك على مسار واضح تتطور بيه خطوة بخطوة لحد مستويات متقدمة.
أنا عبدالله أسامة، متخصص في الـ Performance Marketing بخبرة أكتر من 4 سنين في المجال. اشتغلت مع أكتر من 30 براند في مصر، الخليج، أمريكا وأوروبا، وأدرت ميزانيات إعلانية تجاوزت 20 مليون دولار على منصات زي Meta، Google، Snapchat وLinkedIn.
المحتوى اللي بقدّمه أونلاين وعلى يوتيوب مبني على شغل عملي اتطبّق فعلًا في السوق وحقق نتائج قوية. قدرت في أقل من سنه اوصل ل أكتر من مليون مشاهدة و 30,000 متابع على منصات التواصل الاجتماعي. ما بحبش الحشو ولا تكرار الكلام، وهدفي دايمًا إنك تطلع بقيمة حقيقية ومعلومات مش هتلاقيها في أي مكان تاني.
اتكلم مع Performance Marketing Expert على واتساب دلوقتي.
